Björg Rún

Núna leiðist mér geðveikt. Á að vera að gera eitthvað hundleiðinlegt verkefni um Virgin flugfélagið en er bara pirruð og á þessu mánaðarlega þannig að ég nenni ekki neinu. Nota tækifærið og blogga pínu. Ég á líka afmæli á fimmtudaginn og þá verð ég sko 25 ára. Annars er allt gott að frétta. Geðveikt mikið að verkefnum í skólanum og flest hópverkefni. Uppáhaldið mitt eða þannig. Vona að þið hafið það gott krakkar mínir.

Er eiginlega ekki að nenna þessu bloggi í vetur þar sem ég hef annað við tímann minn að gera en að hanga fyrir framan skjáinn og blogga, sorry ætla ekki að særa ykkur heví bloggara. Hef meira gaman að lesa annarra manna blogg en að skrifa mín eigin. En fyrir ykkur þarna útí skal ég gera mitt besta, eitt blogg á mánuði. OK. Það er alltaf stuð á mér. Brjálað mikið að lesa í skólanum og endalaus verkefni. Það er samt gaman. Líkamsræktin hefur gleymst en það á að bæta úr því eins og mörgu öðru. Já skemmtilegt líf, geri ekkert annað en að læra og sinna þessum skóla. Hitti systur mína stöku sinnum þegar að ég hef tíma. Agalegt ástand. Ég var samt búin að lofa sjálfri mér að tínast ekki í vetur, þá meina ég að fólk viti ekki einu sinni hvort ég er á lífi eða ekki. Það má líka alveg hringja í mig þótt ég gleymi að hringja í ykkur. En ég lofa að þetta skánar. Kveð ykkur í bili.

Jæja, þá er loksins allt að róast hérna á tjaldsvæðinu. Skólinn að byrja á mánudaginn og þá er sumarið búið. Mér finnst það bara fínt. Þetta er búið að vera crazy sumar og hlakka bara til að byrja í skólanum og fara að lifa eðlilegu lífi. Allt vesen í kringum mig er eiginlega búið. Reyndar er vesen með að fá nettengingu heim, því það virðist ekki vera tenging í þessu húsi eða eitthvað svoleiðis bull. Annars er ekki mikið að frétta í augnablikinu en heyri í ykkur bráðlega.

Það er alltaf svo mikið vesen og rugl í kringum mig. Ef það er ekki skatturinn, þá eitthvað annað. Ég er farin að halda að ég sé eitthvað misheppnuð eða kannski er ég bara illa gefin. Stend í leiðindaveseni þessa dagana. Búin að hringja í Framsýn, Eflingu, KPMG, skattinn, lögfræðinga og meir. Allt útaf henni Nönnu vinkonu minni. Oh hvað það er gaman að lifa. Þetta er líf mitt í hnotskurn en ég bugast ekki, bara hlæ. Ég er að vinna eins og venjulega, það er orðið rólegra hérna á tjaldsvæðinu. Mamma er búin að vera með ítalska gesti í heimsókn og er búin að fara hringinn með þá. Svo hélt hún svaka partý á laugardaginn en ég komst ekki því ég var að vinna. Tryggvi er búinn að eignast litla, sæta systur. Hún er algjör prinsessa. Svo er ég bara að byrja í skólanum bráðum og hlakka bara til. Held að þetta verði mjög fínt. Vonandi hafa það allir gott, bið að heilsa ykkur í bili.

Halló halló. Ég veit ég er ekki nógu dugleg að blogga. Málið er að ég er ekki nettengd heima þannig að ég get bara bloggað í vinnunni og stundum er bara svo mikið að gera að ég get ekki hangið í tölvunni og bloggað. Það er nú ekki mikið að frétta þessa dagana. Verslunamannahelgin var fín, mikið gaman. Fór í svaka grillveislu á sunnudaginn til Elísabetar. Það var geðveikt stuð. Annars gengur lífið bara fínt.

Við erum loksins búin að fá íbúðina afhenta og hún er æði. Tryggvi er á fullu að mála og ég svona að þrífa og svoleiðis, annars er ég að vinna líka á fullu. Fer í frí á mánudaginn. Svo erum við búin að fá fullt af dóti, bæði gefins og sem við höfum keypt. Allt voða skemmtilegt. Kata og Viddi fóru útí í Hrísey á Hríseyjarhátíð. Koma á morgun. Allir eitthvað að dunda sér nema ég að vinna og bara brjálað að gera hérna. Ég búin að vera 2 og hálfan tíma að skrifa þetta. Kveð í bili.

Ég held að frakkar séu dónalegasta fólk í heimi. Það þarf endalaust að vera að snúast í kringum rassgatið á þeim. Þeir einfaldlega kunna ekki almenna kurteisi, þessar frekjur. Það er samt fínt að vinna hérna á tjaldsvæðinu í Laugardal. Ég er að fara í 3ja daga frí, geðveikt næs. Ætla samt að reyna að vinna á Valhöll í staðinn því að veskið mitt er tómt. Bið að heilsa ykkur í bili og eigið góðan dag.